天下豬肚雞椰子雞專門店

营业中

休息中

今日收工唔系太夜，喺佐敦揾嘢食，呢间舖头好似唔系开咗好耐，店名同佢哋嘅套餐好似都几吸引，好想去试下。入到舖头入面原来都几大，多数都系大枱畀一大班朋友一齐食饭，两至四个人呢就只得几座卡位。今次两个人食叫咗一个二人套餐，好抵食，而且好好味。首先鸡煲，可以拣猪肚鸡或者椰子鸡，我哋拣咗椰子鸡，听讲佢哋拣定鸡都系一啲果园走地鸡，所以特别嫩滑， 再加上佢呢个电磁炉都几特别，有埋计时器，啱啱好五分钟，唔会太熟太老，椰子汤非常清香，暖粒粒，好好味。跟住可以拣一份牛肉或者猪肉，我哋拣咗霜降牛肉，肉质唔错，另外有份菜，仲有个煲仔饭，有几个选择，天气唔系好冻，唔系好想食腊味，所以就拣咗一个窝蛋牛肉饭，呢个窝蛋牛肉饭好有惊喜，因为佢唔系用一般嘅牛肉饼，而系真系用滑牛，朋友原本唔系好钟意食煲仔饭，佢都话正，成个餐连埋加一酱芥 500 元有找，当然佢另外仲有啲 Upgrade 嘅套餐下次再嚟试。