韓閣 (新都城中心二期)

营业中

休息中

太座外家在将军澳，所以经常返去食饭，新都城系最常去嘅地方，今晚一行四人又要揾嘢食，见到门口都算几多人，就行埋去睇吓乜东东，原来叫“韩阁”，故名思义系食国菜啦，太座呢位韩剧粉丝梗系话要入去食啦!职员态度友善，有耐性，系会令人客对店舖有好感，值得一赞!“大韩无骨猪手”配上生菜、腌萝卜、泡菜、豆瓣酱和蒜头，可以讲超级好食，入味够腍，怪不得写明必食推介，果然系招牌，后悔叫咗例牌，哈哈!“玫瑰糖真露醉鸡翼”鸡翼入哂酒味，配上好香嘅玫瑰蜜糖，连最咀刁嘅姨仔都赞不绝口!食韩菜太座见亲都会点嘅炸酱面，可能幻想自己系韩剧女主脚都唔定，哈哈哈!“五花腩炸酱面”算唔差又未至于好好食，但太座都会食哂嘅!姨仔最钟意食煎饼，点咗个“传统泡菜煎饼”，佢话好好食，呢样要信佢呢个煎饼食家，我都食咗几块!最开心系只猪有个儿童餐，有牛肉寿司、脆鸡棒、薯条、炸猪肉粉丝饺同埋一杯橙汁，用架飞机装上枱，见佢食得好开心!“可乐菠萝冰”好有创意，味道好夹，爽!下次要再嚟试吓其他菜式，性价比极高嘅一间食店!