淼屋 (已結業)

星期五临时起意去食饭，但想食嘅餐厅己有full晒，在上环兜咗一阵，见到呢间餐厅，心大心细觉得可以试吓，餐厅唔大，有十几个位同一间房，仲有个露台仔可以坐几个人。入去得最后一张台，侍应主管非常礼貌，介绍我哋几道菜。做紧promotion, 消费$400以上加$1可以有原只烧鱿鱼（原价$128），都几抵。当晚点咗以下菜式，全部非常好食，本来冇打算写食评，所以冇影相。- 味噌猪大肠：好入味，肥美油滑唔停口- 烧鸡肾：爽脆入味- 污糟鸡：外表有乌卒卒炭汁但味道超好，加少许wasabi，更正！👍🏻👍🏻- 雪山罗甲烧：本来怕偏腥，但一试非常鲜美，加上小苏打饼，必食之选👍🏻👍🏻😋差啲想再点- 原只烧鱿鱼：加$1就食到，抵食，新鲜爽口味道不错，烧汁做得好好，唔会太咸，加少少姜蓉更清新- 炸蚝：蚝几大只，热辣辣- 烧油甘鱼鲛：非常大件厚肉，烧得啱啱好，皮脆肉滑，值得赞嘅系酱汁有柚子汁，唔会好浓好咸，中和咗鱼嘅肥美，点睛之笔，好清新😋- 明太子紫苏豚肉卷：配搭新鲜，味道好夹，豚肉少少偏咸同有少少鞋，但味道还是不错的全晚每道菜都好好，侍应服务周到，唯一美中不足系空间细，有台客好嘈大声讲大声笑，不过亦冇办法啦。