小籠家族 (已結業)

本身谂住食拉面，行到附近见到呢间上海野好似又唔错🤣晚市都唔算多人就入去试下😎一坐低店员就斟左两杯荞麦茶，每位茶芥$3，不过个杯有啲怪味，无咩点饮😥一黎叫左个招牌麻辣猪手 ($68)，麻香惹味，辣味唔会太over，唔会过浓郁，猪手唔肥腻，又有咬口😋而呢度除左一般既小笼包，仲有黑松露小笼包同蟹粉小笼包，不过第一次食，试左个最基本既味道先，呢个家族小笼包 4 件($38)，黎到要趁热食，虽然系热，但未至于热到食唔到，一啖一粒放入口啱啱好👍🏼个皮好薄😋一唔小心夹烂个皮啲汤汁就会流晒出黎。所以我比较钟意点少少醋，再一啖放入口，等啲汤汁喺个口度爆开，连埋啲肉一齐食🥰上海炒年糕 ($72)份量几多，而且感觉唔系用左好多油去炒，入味得黎唔会好咸，年糕烟韧又有咬口😗仲有啲椰菜丝、肉丝同少量菇，成碟清晒😆上海酸辣汤 一锅 ($78)够酸够香辣，入面有冬菇丝、肉丝同笋丝，两人叫一锅，每人大概都饮到两碗！总括黎讲，如果唔钟意食浓味野既话，呢间上海菜都几啱食，以清淡口味为主，唔啱重口味既人。