囍越 (屯門市廣場) (已結業)

早两日入开屯门，问朋友有咩餐厅系市区冇的，佢哋话屯门市广场有间越南野叫 What The Pho几特别。于是我地一行四人就去左试试。先叫咗个猪颈肉沙律试试，少少的微辣再加上酸甜的沙律，都几开胃；最紧要系D猪颈肉几入味，有惊喜！之后上杏仁虾饼，唔算好大块但好弹牙，有埋杏仁个感觉几特别。香芒软壳蟹米纸卷味道OK, 但感觉就没有太特别。蛋网炒金边粉个造型好吸引，好钟意一层薄薄的蛋𠮶种质感同味道。鸡翼味道好好，个调味好特别，问个店长佢话喺特别再改良过，所以而家好香同埋粉皮比较薄。最后叫咗个椰青糕，有少少淡但感觉好清，店长话因为系用真椰青无落糖做，所以唔会太甜。饮品我哋各自叫咗一杯特饮，其中我杯热洛神花茶好香，不过夏日炎炎如果有冻嘅就更好。今次系一次惊喜，一般以为有质素嘅越南餐厅都会喺市区先会有，以后去屯门探朋友就多一个原因了！