蒲公英和牛專門店

营业中

休息中

之前喺观塘工厦嘅蛋糕店订左个蛋糕去攞，顺便同朋友试下呢间出名食饺子嘅蒲公英和牛专店 呢度嘅饺子肉系用100%鹿儿岛黑豚肉，可以拣薄皮或者厚皮，水煮或者煎。我地拣左白菜饺拼韭菜饺，两个都系水煮薄皮。饺子大细适中，皮真系够薄有少少似云吞皮，食落好滑。 两款饺子都好出色，juicy到咬开即爆汁，调味唔会太咸，肉味够浓，食得出新鲜。我朋友仲买左粟米嘅生饺返屋企煮黎食，佢话都超好食，粟米好甜。等我下次再去会试埋佢嘅煎饺。 除左饺子黎度仲有好多和牛，牛扒俾大家可以外卖返屋企煎，或者叫佢即时煎俾你食都得，好多选择。整体黎讲喺一间好唔错嘅小店，推介大家试下。