泰邊爐 (已結業)

其实好耐之前都食过呢间，感觉不错，最近见到IG foodie 推介，话转左新Menu，于是同乜陈生又出没！今次系鸡煲火锅放题，每位$198。鸡煲有两个汤底选择，冬阴公鸡煲同椰子鸡煲。我哋梗系拣冬阴公鸡煲，小辣😎另外见到加$70可以有一个海鲜拼盘，我哋都有加左一个。真系要赞一赞啲鸡，好入味而且肉质好嫩滑食完啲鸡，就倒入啲冬阴公汤做汤底，餐厅好好，预先摆定一大樽冬阴公汤系隔离，要加时自己自行加！海鲜拼盘都好新鲜，款式丰富^_^食晒枱面上嘅嘢仲可以refill，不过其实我觉得已经饱哂。。另外出面仲有自助嘅食物，多数系甜品同沙律，仲有啲小食例如虾片薯条真系好丰富。另外我想提嘅系餐厅播嘅背景音乐都系泰文歌，而电视机亦都播住泰文广告，真系令人哋以为自己去咗泰国旅行呀。