瑞士餐廳 (已結業)

本身已经好钟意食芝士，而且系越浓越钟意。今次系IG见到介绍呢间餐厅，标榜著正宗瑞士芝士火锅，抱住试试亦无妨既心态，点知都几有惊喜。芝士火锅有分普通同黑松露味，钟意食浓味所以拣左黑松露味。有跟面包粒，而且可以免费添加。我地有加点蘑菇同薯仔，所以面包粒最后只追加左一次。个火锅一上枱已经好香，食落去有浓烈既咸香，但同时有一阵酒香，味道有层次感。平日d餐厅为左就香港人口味，顶多比下d mozzarella，淡淡地有得拉丝打下卡就算。但尼个芝士火锅无论做法同用料都好有诚意。连从来都唔写食评既我都要写下比个好评。三条女点完两人份火锅，仲食得落，所以点埋苏黎世牛肉（应该无记错名）同酥皮炖羊膝（又系d浓味野）。牛肉普普通通，都唔错既，但个羊好好味。首先份量都大过预期，成块酥皮包著个羊膝，入面d酱汁完全吸收左羊既精华。羊膝好嫩好易切，好入味好正。影得唔靓，但味道系👍🏻