影片
更多
2023-07-20
912 浏览
同个朋友下昼经过红磡谂住去揾嘢食，结果去咗太兴谂住食个烧味饭倾吓偈，但系想食嘅烧肉同埋烧鹅都冇晒，所以就走咗去隔离试吓新嘢。地点方面完全冇问题，黄埔地铁站走出嚟，行过对面马路上一层楼就系，呢间铺以前应该系左邻右里，总之都算系交通方便。舖头望落去亦都干净企理。我哋本来话下午茶，但系结果都叫咗几多嘢嚟试吓。先系基本嘅叫咗个虾饺皇，虾饺嘅皮食落去好烟韧亦都唔厚，里面嘅虾亦都好新鲜，大家都觉得系水准以上。亦都嗌咗个鲜虾腐皮卷，整出嚟嘅形状比较偏薄，但系重点系咬落去仲系热，同埋啲腐皮系趣嘅，里面嘅虾亦都冇问题，所以都觉得好食。另外仲有个黑金流沙包，呢个可能好多地方都有得食，虽然质素完全冇问题，不过因为好多地方食过类似嘅嘢，所以冇乜特别感觉。我哋又叫咗一个佢哋推介嘅细龟招牌家乡炒米，呢个真系有惊喜，一来啊出嚟嘅份量好大碟，最重要嘅系炒米粉味道啱啱好，啲米粉唔会黐埋一齐，炒得好松，但系又唔会好油腻，真系要俾个赞。最后仲有叫咗一个葱花炸两同埋一份冰火鱿鱼，葱花炸两最惊喜嘅系里面嘅炸两系脆嘅，真系脆咗只，另外佢俾咗豉油同花生酱，但系要问佢攞先至有辣酱同埋甜酱，味道真系可以，不过份量就少啲。另外个冰火鱿鱼
我哋本来话下午茶，但系结果都叫咗几多嘢嚟试吓。先系基本嘅叫咗个虾饺皇，虾饺嘅皮食落去好烟韧亦都唔厚，里面嘅虾亦都好新鲜，大家都觉得系水准以上。亦都嗌咗个鲜虾腐皮卷，整出嚟嘅形状比较偏薄，但系重点系咬落去仲系热，同埋啲腐皮系趣嘅，里面嘅虾亦都冇问题，所以都觉得好食。
另外仲有个黑金流沙包，呢个可能好多地方都有得食，虽然质素完全冇问题，不过因为好多地方食过类似嘅嘢，所以冇乜特别感觉。
我哋又叫咗一个佢哋推介嘅细龟招牌家乡炒米，呢个真系有惊喜，一来啊出嚟嘅份量好大碟，最重要嘅系炒米粉味道啱啱好，啲米粉唔会黐埋一齐，炒得好松，但系又唔会好油腻，真系要俾个赞。
最后仲有叫咗一个葱花炸两同埋一份冰火鱿鱼，葱花炸两最惊喜嘅系里面嘅炸两系脆嘅，真系脆咗只，另外佢俾咗豉油同花生酱，但系要问佢攞先至有辣酱同埋甜酱，味道真系可以，不过份量就少啲。
另外个冰火鱿鱼都有惊喜，其实佢就系一份凉菜，又有辣味，所以食落去都有种好适合夏天嘅感觉，亦都觉得好好食，其实份量上面都唔算少。所以我朋友都话下次会同佢老婆再嚟食吓晚饭，睇吓会唔会有其他好食嘅嘢。
张贴
