牛牛

营业中

休息中

倦倦地请咗半日假加入西贡叉叉电，好多时候入西贡都系同屋企人饮茶，或者出去嘅时候去茶餐厅食吓早餐就算。难得一个人，终于可以试吓啲小店。之前礼拜六日经过见佢劲多人排队，平日嚟就好好多。之前见其他食评都想试罗宋汤，但系见要睇店主心情煮。谂住去平日唔多人，未必住，就胆粗粗问吓。竟然店主话有罗宋汤，当然点一碗。落单嘅时候有个小插曲，个脑本身想食沙嗲牛，但系唔知点解挛咗沙嗲牛脷，好彩店主有覆单帮我改返晒啲牛肉，店主都好客气回应不打紧。另外见佢沙嗲牛肉油炸面底，如果平时出边唔系中式酒楼都好少有炸面呢一样嘢，嗌埋个沙嗲牛肉面炸底。先黎咗个罗宋汤，见到佢有一层油喺碗汤面，作为玻璃肠嘅我有少少却步。但为食可以征服一切，唔理咁多饮咗先。饮咗一啖，辣辣地酸甜到适中，同埋有啲好似牛腩粒嘅筋膜位，好有咬口。反而有层油喺汤上边刚刚好锁住个温度，如果可以大碗啲可以再开心啲。重点系饮完之后到返屋企，条肠都冇阵痛嘅感觉。跟住个沙嗲牛炸面，食咗一啖牛肉上面啲汁，都冇其他食评啲人讲咁咸，可能真系各人口味唔同。另外重点系个牛肉唔系薄片系牛肉粒，呢度真系大癫未试过食嗲牛面系牛肉粒。另外个面底炸到超脆，脆嘅程度好似零食炸面咁。完全