歡樂食堂

营业中

休息中

今日去咗美孚找人聚旧，经过呢间欢乐食堂。第一次食，感觉唔错㖞！西柠鸡卖相几好~酱汁酸甜得嚟又清新，我个人最惊𠮶啲太杰确喉咙嘅汁，所以觉得呢个水准几好。肉丝炒面个炸面底超正~个芡汁啱啱好，我觉得可以多啲添。腐乳通菜系好食嘅。好食极都系咁上下啦，度度都差不多，可能我个人钟意马拉盏通菜𠮶种再惹味啲。酸菜鱼先系我今日强烈推介嘅嘢酸咸恰到好处，嫩滑得嚟，谂住入口都粉粉哋但系又弹牙㖞。今日我留意到样嘢我见到个店长都几有料。可能系好细微嘅指令同埋举动，就已经睇得到佢系做到嘢嘅，带到班细嘅。我试过去过啲餐厅，𠮶个店长同啲职员一样咁颓废，但系呢个都几有个人魅力，带到啲团队精神出嚟。