喜客比薩 (已結業)

见呢度食评都唔错，就来试下啦！两个女仔叫左一个二人餐（七月时，唔知宜家仲有冇），都几多野食，最后要打包返去添！套餐包括餐汤，螺丝粉，炸鸡，双拼PIZZA 。餐汤系一般忌廉汤，咸左少少。个大虾螺丝粉就比较淡，唔知系俾冷气风吹冻左定煮唔透，啲粉有啲硬哩！炸鸡又系硬，而且颜色好深，好似炸㶶左咁，但味道系唔错既。全餐最好应该系个PIZZA，薄批唔会好漏，几新鲜，茄汁浓度亦恰到好处，双拼既话仲有两款口味，可以一次过满足晒！餐饮可以叫特饮，我叫左百香果，够大杯，抵饮！呢度既座位间隔都几密，著重私隐既人就唔多岩喇。至于服务就麻麻喇，叫极都唔应咁既，有时仲系度聚众玩添！