影片
更多
2023-04-21
731 浏览
今日约咗闺蜜食晏， 周围都多人冇位， 唯一经过呢度， 成间餐厅得一台客， 谂住要清净啲倾下偈 ，就入咗嚟。 店员指我哋坐一张二人枱， 好窄， 见到有梳化位四人枱 ，我哋问可唔可以坐， 店员话已经有人订咗 ，冇办法我哋只可以坐喺好细张嘅二人枱 。觉得凉凉地，问店员可唔可以先要两杯温水， 店员姐姐冷冰冰咁回答 ，我哋只有tap water ，跟住就走咗去。🙄 冇办法，我哋唯有要套餐嘅热饮咖啡先上 ，两杯都要拿铁， 两杯咖啡送到嚟， 系好浅色， 饮落冇乜咖啡味，净系得奶味， 仲有系唔热， 一杯热咖啡， 冇咖啡味 ，唔热 ，好似饮奶水咁，我个朋友问 可唔可以加啲咖啡， 店员姐姐话唔得，除非加钱再叫一杯， 当时觉得好冇瘾 ，心谂冇下次。 跟住两个人每人叫一个套餐， 前菜系南瓜小米沙律， 都几好食，呢个系一个好特别嘅沙律， 加咗意大利醋好开胃 ，个卖相都几靓， 呢个系唯一一个满意嘅部分。 跟住主菜有香烧牛油日式面豉鸡扒烩意大利饭， 同埋美国安格斯腹肉牛扒配绿茶天妇罗香菇， 萝卜蓉， 两个算系几特别嘅套餐， 但系， 意大利饭好似未煮透，中间系硬嘅 ，咬到啲粉出嚟， 鸡扒都算ok ，牛扒就认真麻麻地
店员指我哋坐一张二人枱， 好窄， 见到有梳化位四人枱 ，我哋问可唔可以坐， 店员话已经有人订咗 ，冇办法我哋只可以坐喺好细张嘅二人枱 。
觉得凉凉地，问店员可唔可以先要两杯温水， 店员姐姐冷冰冰咁回答 ，我哋只有tap water ，跟住就走咗去。🙄 冇办法，我哋唯有要套餐嘅热饮咖啡先上 ，两杯都要拿铁， 两杯咖啡送到嚟， 系好浅色， 饮落冇乜咖啡味，净系得奶味， 仲有系唔热， 一杯热咖啡， 冇咖啡味 ，唔热 ，好似饮奶水咁，我个朋友问 可唔可以加啲咖啡， 店员姐姐话唔得，除非加钱再叫一杯， 当时觉得好冇瘾 ，心谂冇下次。
跟住两个人每人叫一个套餐， 前菜系南瓜小米沙律， 都几好食，呢个系一个好特别嘅沙律， 加咗意大利醋好开胃 ，个卖相都几靓， 呢个系唯一一个满意嘅部分。
跟住主菜有香烧牛油日式面豉鸡扒烩意大利饭， 同埋美国安格斯腹肉牛扒配绿茶天妇罗香菇， 萝卜蓉， 两个算系几特别嘅套餐， 但系， 意大利饭好似未煮透，中间系硬嘅 ，咬到啲粉出嚟，
鸡扒都算ok ，牛扒就认真麻麻地， 第一冇问我哋要几多成熟， 整到好生 ，而且好韧， 绿茶天妇罗香菇就几好食 ，有四粒，我哋每人两粒。
食到最后 ，我都系想饮热水 ，心谂呢间餐厅咁大冇理由热水都冇， 于是又问另一个店员姐姐 ，佢就斟咗一杯热水畀我 ，算系有好少少服务态度。 我哋食完餐饭，间餐厅都系得两枱客，而佢之前话留咗畀客嘅四人枱始终都冇人坐 ，我哋觉得餐厅生意好唔好系有原因嘅 ，服务态度占咗好大部分， 间餐厅嘅环境唔错，装修系好有品味 ，我好欣赏
，但系如果食物同服务都做得唔够好， 咁又点帮衬得落呢。
51 浏览
0 赞好
0 留言
张贴
