慈素小聚

营业中

休息中

估唔到素食都可以做到咁多唔同款式。今日嚟到尖沙咀呢间楼上餐厅，有好多款唔同国家嘅素食。有中式、西式、日式、意式等。甚至乎有啲你想像唔到嘅款式。意大利香草风味Pizza呢个像真度极高，素火腿嘅口感根本同普通火腿一样。加埋艇底转咗用酥皮令到成个Pizza口感松脆。珍贵苜蓿芽手卷苜蓿芽系少见嘅Super food，有极强嘅碱性，中和食肉嘅酸性。手卷里便仲有一个素三文鱼。口感滑溜溜，就算连个外表都似。天妇罗综合蔬菜球配特制酱汁呢个系我比较钟意食嘅素菜。里便嘅蔬菜条可以保持湿润，但外表松脆。黑松露鲜蘑菇忌廉汤估唔到蘑菇汤都可以做得咁滑溜，加埋松露油极之香。素食串烧沙嗲呢个串烧有三款唔同嘅素肉，每款嘅口感硬度都唔一样。加埋沙嗲汁其实几好食。烧卖当然就唔系猪肉烧卖啦，佢比较似糯米烧卖。latte估唔到素食餐厅都有埋咖啡饮，而且味道仲要唔错添。