牛大人台灣火鍋吃到飽 (鱷魚恤中心)

营业中

休息中

屋企人话请食牛大人，熬到7点入座非常肚饿。即刻电子落单叫咗一个台式嘅盐酥鸡同埋蜜糖台式肠医肚😝 之后，我哋拣咗一个单锅系红烧牛骨汤汤底好浓郁。外边有自助饮品吧同埋调味料站，超过50款以上嘅饮品。例如有佢哋嘅招牌白桃乌龙茶，又有荔枝茶等等。同埋我见到有卤肉饭不过惊自己食得太饱，所以就冇食到。牛肉方面，我哋今次系叫咗极上澳洲和牛，所以大家都系主打M5和牛。全部都系大大块非常之新鲜同埋非常之嫩口。我屋企人冇牙都食到😂😂😂 所以我哋叫咗好多碟，初头都惊佢哋食唔晒，但佢哋话咁好食点会食唔落🤣 之后我哋都叫咗啲海鲜，例如沙白同埋海虾，妈妈话食海虾好抵食😂😂 笑死我哋。同埋啲虾都系大大只的。牛肉叫咗超过10盘以上就嚟高过我哋个人🙈埋单呢餐都系三百几蚊，价钱真系非常之合理同吸引🙈一定会再返嚟食。我仲写咗意见书赞佢哋。因为啲员工服务态度都好好。最后要讲一讲甜品，因为佢哋呢排同咗Dreyers合作，有好多种唔同味道嘅雪条可以食，我自己拣咗加州士多啤梨味嘅脆皮雪条好好食😝 同埋有台湾嘅花生糖水都一样好味，饱到你非常满足。