鬼金棒牛骨辣麻拉麵 (已結業)

见鬼金棒开左新分店就过黎试下，听讲今次用牛骨做汤底😋店内用木系装修，光猛舒服。时间尚早，唔多食客呢。⭐味玉辣麻牛骨拉面自己点左呢款有溏心蛋的拉面，汤底要小辣中麻😋有两片牛叉烧同两件牛筋腩，前者半肥瘦入口甘香，后者炆得软腍，入口系黏口的感觉。溏心蛋劲流心，蛋味香浓。拉面口感有啲似云呑面，爽口有咬口，汤底浓郁鲜味，小辣中麻啱口味😋⭐增量牛叉烧辣麻牛骨拉面朋友爱肉，点了增量叉烧，仲加拉面添😆汤底就要中辣中麻，尝左一口，都唔系辣我个碗好多啫。多左肉又多左面，朋友话食得好满足，连汤都饮晒😋⭐日本生蛋黄拌饭见有生蛋拌饭又叫左一碗，蛋黄好深色好靓呀，仲有酱油同葱，热辣辣又饱满的白饭，见到已想食🤤拌均后果真蛋香十足，每粒米饭都被蛋汁包著，金黄金黄的，正呀😍食得好饱好开心，拉面配米饭就系正😘