慕茶 (已搬遷) 新店位置

前排睇咗《饮食XX》，见到介绍四位年青嘅八十后所创立嘅雪糕公司，作为为食嘅八十后嘅我！点都要去睇过究竟，试吓中国茶特色嘅雪糕！我见咗到其中一个负责人 Elaine，佢好好人，解释咗好多佢哋嘅意念我知！当中最深刻嘅一句说话”既然日本可以将茉茶做成雪糕，我哋都应该都可以有中国茶雪糕！”其实我自己都好钟意饮中国茶，特别系普洱！所以我就叫咗旧《普洱雪糕》！老土啲讲句，《普洱雪糕》真喺有普洱味，而且味道仲好浓郁，唔似用味精做成！原来依间工厦中的小店，除咗卖中国茶雪糕后，仲有架好可爱嘅雪糕手推车，专门喺 Event 中卖雪糕！而且仲会开雪糕班，教人整雪糕！原来佢哋有个使命，希望用特别嘅方式，推广饮茶依种嘅传统文化！所以有兴趣饮茶同食雪糕嘅朋友，真喺要去支持吓！