幸腹滿屋日本料理 (已結業)

又系一个人揾食嘅时间，去到荔枝角，见工作地点楼下有间无舖头名嘅日食店，抱住一试嘅心态，一坐低，打开个餐单，有惊喜，竟然有「汁煮三文鱼头定食」，难得，作为一个牛脷fans，第二最爱就系鱼，特别系鱼头，竟然lunch有得食，正，即叫。问题嚟喇，落单嘅经理，似乎在暗示我下次唔好嚟咁，毫无表情，问多句都嫌烦，我心谂唔通唔欢迎我地呢孤独客，偷偷咁望下其他枱，原来个经理都几公道，对枱枱都系咁，咁佢都几一致，像叫大家明天唔好再嚟一样。不过我安慰自己，香港好多好食又出名嘅食肆一样食物好，但服务就....咪一样咁多人，香港人接受程度好高嘅。正，鱼头嚟喇，好在像好多服务和食物质素不相称的食肆一样，个鱼头嚟到卖相真系唔错，斩件上，仲跟件鱼鳍，正，由于系汁煮，所以唔似油炸咁油，可惜的是自己食惯淡口嘢，呢个汁对于我嚟讲咸左啲，我要隔起哂佢地嚟食，不过鱼头同鱼鳍都煮得好滑，无叫错。又系有得添饭，满足，估佢唔到嘅系食日式定食，竟然跟餐饮，饮埋杯热柠茶，完满。埋单，个经理依然咁cool，好一致，亦知道佢唔系针对我，都系拿拿声俾埋钱，返工去也。下次仲嚟唔嚟？你话呢？