翠華餐廳 (已結業)

平日去开尖沙咀,旺角食饭,都食到有D闷。3日前听朋友介绍海滨汇有间新风格既翠华开张,于是心郁郁想去试。我一入到去就得到侍应既热情招待,带我去靠近窗边就坐,并向我介绍窗外就系电影《志明与春娇》既一个著明取景地—「志明桥」,感觉好有FEEL呢!环顾四周,店内各个位置都非常干净企理,每张枱仲提供一枝搓手液供大家使用,非常贴心。来到翠华,中餐就试得多,但冇谂过佢既香草海鲜薄饼都可以咁好味架。薄饼边皮火候控制岩岩好,卜卜脆得来又吾太㶶,八爪鱼同青口满布PIZZA上面,非常抵食。再来就系韩式芝士炸鸡。从外貌上韩式同西式炸鸡分别不大,但食落去就不同了,韩式炸鸡口感更佳,外皮更爽脆,一D都唔辣,最重要系芝士酱真的很开胃,同炸鸡称得上绝配,令我个FD最后竟然空口食芝士酱!!!!值得一提,手工姜汁撞奶茶令我好回味,凑近已经闻到浓烈既姜味,入口香甜顺滑惟姜味有有些少掩盖了茶味,不过依然值得推介。呢个晚餐计落都不过百几元,我非常推荐大家过来试试,一定不会令你失望。