漢和韓國料理 (已搬遷) 新店位置

劲差劲恶劣嘅一次用餐体验。已经帮衬过汉和两次，都无事觉得还好嘅。今次食就出事。食晚饭中途都无乜事，去到尾声时有只曱甴系枱下面爬上枱面，之后再爬上盒装饮品上。吓到我飞起，连余下嘅食物都无食。一开始同咗个侍应讲，佢净系用纸巾包住只曱甴拎走就算。无晒胃口之下拎埋张单打算去揾经理同佢反映同埋单走人。一开始向个著住西装嘅女侍应讲，但佢无出声，净系揾咗个经理黎。本身从来无谂住唔比钱就走，主要系想向个经理反映佢地卫生情况好唔掂。点知个经理话我地坐咗好耐都差唔多啦。言下之意系咪觉得我地食咗好多野已经掋返？佢本身想我地速速比钱，我同佢讲完话有曱甴之后先话免收加一。重要问我只曱甴系咪由盒饮品度走出来。攞埋影咗有曱甴嘅相比佢睇都无反应，完全劲无奈。最嬲系由头到尾一啲歉意都无，净系想快啲收咗钱了事。以后都唔会再帮衬。呼吁想去帮衬嘅人要三思，依个价钱值得去第二间更好嘅食肆。