美中·鴨子 (已結業)

大少生日，而佢又钟意食呢间餐厅，所以一收工就出去拎飞等位。七点拎飞，一等就等到七点四十分，谂住平日星期三唔使咁耐，点知都真系要等咁耐，而且条人心龙只有继续长无短。我就第一次去食，一坐低就见到d餐具，好可爱，尤其系筷子托，整套餐具好有餐厅特色！小笼包先上，其实都清楚见到Ｄ汤系入面，皮都算簿，小心夹起一啖放落口，肉嫩鲜甜，唯独就系蒸得唔够热，唔知关唔关天气事呢﹖终于到今晚主角（当时大少先系真正既主角啦！），呢间餐厅系sell鸭，呢个片皮鸭无得唔试，皮簿唔黏手，都易入口，加一片皮一片鸭肉，加埋酱、葱同青瓜，口感顿时增加，不过如果皮可以再脆少少就好，而且觉得人太多，根本厨房蒸唔切，枱枱都order，所以上枱时皮就唔够热，加上天气冻，就更加快冻。不过味道系ＯＫ既，有机会都会再去一试！