川府宴 (已結業)

最近兴起左一股食川菜既潮流，朋友特登揾左呢间几好评既川菜，系放工后以麻辣放松一下😂呢间餐厅既环境格调都唔错，值得一赞系佢既灯光，系侧面打落去令食物好靓，唔会好黑咁👍🏻咁叫左几味小菜分享，先黎个健康既凉拌秋葵麻辣手撕鸡非常好食，入面有脆脆的炸芋头丝，海蜇头，手撕鸡肉，蒿荀丝，葱，芫茜，捞埋酱汁好惹味，麻麻辣辣，而且口感好丰富，夹埋组合得好好😋膝王鱼用左大量既新鲜花椒，个汤已经好麻好香，入面仲系一片片好大旧既石斑😍咬落啖啖肉完全冇骨，鱼肉鲜甜，食完满口麻晒，但麻而不辣，非常有趣既菜色😋姜爆安格斯既牛肉炒得好香，比较浓味适合配碗饭🍚