The Grill Room (銅鑼灣廣場二期)

呢度好有情调，非常适合约会，服务又好，除左食物质素好，餐具都好靓。嚟到有番咁上下水准嘅餐厅，我都会特别留意佢地啲餐具，尤其是牛扒刀😆。🥩香煎慢煮牛柳伴日本南瓜杏鲍菇 配 牛肝菌牛肉原汁真系五成熟，心系粉红，好多肉汁，牛柳好冧，当然都关把刀事，把日本刀好好切。牛柳本身够牛味，反而个牛肝菌汁唔系好出。杏鲍菇个酱汁做得好好，令到个菇鲜甜又好够味。🐷烟熏香脆乳猪伴焦糖菠萝 配 古斯米沙律真系用烟熏盒㗎，畀你睇完之后就去切件上碟。乳猪皮非常脆，好似薄脆薯片，有一两旧少少肥，肉嫩多汁。古斯米沙律俗称非洲小米，原来唔系米😅，食落粗鞋，当中有提子干香草，食落甜甜地，单食就麻麻地，不过配乳猪食就刚好，中和到个肥腻感，几得意。饮品：Cocktails🍹Berry well好靓😍，女仔实钟意，白酒底，饮落甜甜地，伴随薰衣草香气。🥃Smokey Passion好得意，嚟到系酒杯喷几下烟熏过嘅烈酒，中间有旧大冰，好有whiskey加冰嘅感觉，不过有热情果嘅酸中和左烈酒，又几易入口。最后叫左个🍰香提挞作为完美句号摆盘靓，个碟都好靓。挞面有金箔，好华丽。挞皮好脆，甜度适中。