Gees Restaurant & Bar (已結業)

相识十多年嘅好友生日，知佢钟意食西餐，一于揾间有格调嘅餐厅同佢庆祝生日。餐厅分上、下两层，地下系Bar，楼上系餐厅。餐厅环境高雅，有情调又带点浪漫感，适合我哋静静地食饭倾心事。菜式选择唔算好多，但每道菜设计有心思，感觉好吸引。餐前附送嘅面包新鲜松软，几好食。头盘系蜜糖烧塔斯曼尼亚三文鱼，卖相十分吸引。三文鱼表面略为烧香，涂上蜜糖，蜜味加上三文鱼油脂香味，两者配合得宜。而铺底嘅无花果香甜有果香，好清新。法国鸭肉拼盘包含鸭肉批、鸭腿同埋鸭胸肉，3款都各有特式。鸭肉批貌似午餐肉，口感较为结实，而中间夹杂鸭肝，好甘香，配上嫰绿嘅菠菜苖，可以平衡番油腻感。鸭腿表皮煎得香脆，但肉质却出奇地软稔，伴有小薯粒，唔错。3款鸭肉中，我个人偏爱鸭胸肉。鸭胸肉呈粉红色，肉质烟韧，而大伞菇菇味香浓多汁，两者味道好夹。面条有韧度，蕃茄酱汁酸甜开胃，味道唔错。但虾干味道同质感唔太突出，而且酱汁略嫌较少。小结：食物有质素，侍应服务态好，环境舒适，令人放松，值得再光顾。