樂啡

营业中

休息中

上次经过已闻到咖啡香☕，不过接近打烊，唯有下次。由于系内巷，唔系行过都留意唔到有间咖啡店系度。店内有一柜咖啡豆，有唔同产区，唔同烘焙度，睇完樽上描述，打开闻下，拣啱心头好就可以落单，一壸$70-90，价钱视乎拣咩豆。冲煮法都有不同选择，有手冲，虹吸，爱乐压，聪明杯，摩卡壶。我偏向手冲和虹吸，同老板倾完，由于想要花香清新口感，就拣手冲。不同冲法用同一只豆都有不同，所以要沟通好先落丫。☕今次拣好少饮嘅产区--肯尼亚，闻落好似乌梅，酸味重，莓味好出，好清新，好香，钟意花香果香嘅啱晒。老板话呢个产区仲要厌氧好少，所以真系拣啱豆👍☕Dirty比较细杯，啡和奶分层不够明显，饮左一啖已经开始混合，饮唔到啡奶由未混到混合嘅变化。可能每个人饮Dirty方式不同，我比较喜欢饮到Dirty3个层次嘅变化。一边细味咖啡，一边听住好温暖嘅胆机🎵🎶，系度坐一两个钟真系好享受。