Quattro's Kitchen (已結業)

曾几何时日日都行住太古嘅Aeon等阿仔放学，都有一段时间冇嚟行，趁睇家品嘅时候就顺便嚟行个圈。唔行都唔知，原来3楼有间好有格调又坐得舒服嘅西餐厅，所以就入去食个LUNCH啦~LUNCH SET都有好多选择~先嚟送上热辣辣嘅餐包，佢烘得外脆内软，系非一段嘅餐包~餐汤我就UPGRADE左做龙虾汤，佢系用真料实料嘅龙虾头熬制，够晒Creamy又味道又浓郁，入面仲有同埋一只大虾，好丰富呀~主菜就嚟 香煎羊西冷配马来椰香咖喱，真心觉得佢个羊西冷质素唔错，羊西冷煮到啱啱好，肉质保持软嫩之余又带点点膻香味，啖啖肉好食。而且我觉得啖啖咖喱椰香味配羊西冷一齐食，更加点带膻香味，可以话另有一番风味~跟餐升级左杯冻白桃梳打特饮，白桃甜香加埋入面有唔好多椰果，好饮之余又有咬口添~最后当然唔少得食返个甜品等自己开心下，所以叫嚟左个日式芝士蛋糕配雪糕，轻盈嘅芝士蛋糕，质感松软又唔会好甜，入口唔会觉得腻滞，所以依个饭后甜品绝对唔会好邪恶呢~