点心代表 (已結業)

同事约食lunch，去到先知原来系一间miffy主题嘅点心舖头，呢种crossover真系第一次见。倾开先知呢间舖头会不定期转变餐厅主题（例如几个月前仲做紧蜡笔小新），舖面装饰、食物、饮品、赠品等等全部都会跟主题变，认真有心思。食物方面，大部份点心都会用「印水纸」将miffy图案印落食物上面，或者加上得意眼珠做装饰。蒸煮点心，例如虾饺、肠粉、烧卖，同酒楼比较嘅话属于中上质素，无惊喜但叫做唔会得个样。两份炸点相对较为出色，尖椒味融入到煎酿嘅材料入面，唔会椒还椒，料还料；炸虾做到婚宴蟹钳嘅质素，性价比高。同事们另外试左椰皇、椰汁糕，椰皇唔差嘅，不过棷汁糕唔够结实，影响左个口感，加上miffy图案有瑕疵，叫做有少少美中不足。食到捧住个肚走，每人都系170蚊，喺中环饮茶嚟讲叫做公价，但系话晒叫做有卡通人物主题，都无markup太多，绝对可以返啅。其他食物：