象泰宴

营业中

休息中

其实小妹对屯门真系唔熟，平时都系去开V City 揾食多。呢日朋友话有间泰国菜好似唔错食，于是叫我去试下。间餐厅位于置乐，地点唔太方便，好彩我地有车去。虽然我地去果日系星期五，但竟然唔全好多人，都几多空位。我地叫左泰式生虾做餐前小食。本身以为系一个圆碟上面摆生虾，点知系用小杯一只只咁装住，present得好靓！而且仲有两种口味，有辣有唔辣，任君选择。辣嘅酸酸甜甜，好开胃；而绿色唔辣嘅就好香香草味，好清新!跟住主菜方面，我地叫左条香柠汁煮鱼，侍应一捧过黎就闻到好香嘅甜酸味，中间更渗透著青柠嘅清香。我地急不及待试食，鱼肉真系好嫩滑，而且甜酸味道刚好，唔会盖过鱼本身嘅道道，反而突出佢嘅鲜甜。鱼肉下面有粉丝，吸收晒汤汁嘅精华。本身对炒金边粉无咩期望，不过佢呢个炒金边粉真系好香，金边粉唔会硬身，而且卖相好靓惊唔够饱下，我地叫左个象泰招牌去骨猪手煲。估唔到系咁大煲，劲多猪手，而且猪手煮到好淋，酱汁都起晒胶。味道唔辣，更似系红烧。