影片
更多
2021-08-03
1695 浏览
边个话净系得女仔钟意食日本嘢？呢晚同个大旧佬食饭，🏮佢就主动带咗我去铜锣湾新开嘅「浪·居酒屋」，仲调转话我一定喜欢，但明明系佢想食啰。不过餐厅装修确系几靓，全场挂满灯饰，闪闪发光✨，但餐枱之间就有啲迫。另外，其实未入到餐厅，喺扶手电梯大堂都已经见到佢嘅摆设。气氛好绝对系居酒屋嘅加分位，餐厅喺呢方面几落力，例如指定时间会有店员敲鼓🥁，并为客人送上清酒🍶，干杯！同时，如果有人生日，店员亦会邀请全场一齐向寿星唱生日歌。餐牌超大本，睇到人眼花撩乱，菜式选择非常多，未能一一尽录。最终我哋决定每个类别都嗌啲，由于餐枱偏细，啲食物多到摆唔晒呀😅。自创火炙寿司：火炙葱吞拿鱼腩($128)，佢系自己动手做系列，由一板呑拿鱼蓉、日本蛋黄、饭以及紫菜组成。店员会先放低寿司比我哋影相，然后再拎火枪出嚟烧🔥，炙烧后嘅鱼肉特别香。呑拿鱼蓉份量多，但饭就好少啰，唔够喉啊。特式卷物：Nami卷($168)，呢个卷物以餐厅名称命名，相信系招牌菜🍣。卷物造型澎湃，配料堆叠到好高，醋饭上面放满吞拿鱼蓉、三文鱼子、鱼子酱同金箔，一口系食唔哂㗎。自创卷物：软壳蟹($88)，佢其实系未卷嘅手卷😅，我觉得还好啦，唔算好新奇，反而紫
边个话净系得女仔钟意食日本嘢？呢晚同个大旧佬食饭，🏮佢就主动带咗我去铜锣湾新开嘅「浪·居酒屋」，仲调转话我一定喜欢，但明明系佢想食啰。
不过餐厅装修确系几靓，全场挂满灯饰，闪闪发光✨，但餐枱之间就有啲迫。另外，其实未入到餐厅，喺扶手电梯大堂都已经见到佢嘅摆设。
气氛好绝对系居酒屋嘅加分位，餐厅喺呢方面几落力，例如指定时间会有店员敲鼓🥁，并为客人送上清酒🍶，干杯！同时，如果有人生日，店员亦会邀请全场一齐向寿星唱生日歌。
餐牌超大本，睇到人眼花撩乱，菜式选择非常多，未能一一尽录。最终我哋决定每个类别都嗌啲，由于餐枱偏细，啲食物多到摆唔晒呀😅。
自创火炙寿司：火炙葱吞拿鱼腩($128)，佢系自己动手做系列，由一板呑拿鱼蓉、日本蛋黄、饭以及紫菜组成。店员会先放低寿司比我哋影相，然后再拎火枪出嚟烧🔥，炙烧后嘅鱼肉特别香。呑拿鱼蓉份量多，但饭就好少啰，唔够喉啊。
特式卷物：Nami卷($168)，呢个卷物以餐厅名称命名，相信系招牌菜🍣。卷物造型澎湃，配料堆叠到好高，醋饭上面放满吞拿鱼蓉、三文鱼子、鱼子酱同金箔，一口系食唔哂㗎。
自创卷物：软壳蟹($88)，佢其实系未卷嘅手卷😅，我觉得还好啦，唔算好新奇，反而紫菜趟开咗仲易变淋。🦀软壳蟹几大件，炸衣够薄，配合埋蟹籽同青瓜丝，三重脆脆。
日式和牛荞麦面($148)，以上嘅寿司卷物都比较的骰，所以嗌返碗面食就啱啱好。🍜面底可以选荞麦面或者乌冬，我要咗前者，估唔到热食配汤都唔错，面条软硬适中，唔易断，有口感。🐮牛肉有几大片，另外仲有一大堆昆布。
烧牛脷($68)，牛舌好味道👅，厚度够，肉质软稔，简单用盐同黑椒调味已经OK。
月见鸡肉棒($58)，鸡肉棒带点软骨，爽爽的，沾埋蛋汁(月见嘅意思)食好Juicy🥚。
烧日本青椒仔($38)，🫑我唔肯定青椒仔系咪来自日本，不过佢比起灯笼椒好食呢。
烧粟米($38)，🌽粟米就无乜特别，本身够甜，亦无烧到干哂。
总括嚟讲，居酒屋座无虚席，相信唔少人都好享受呢度嘅气氛。此外，食物种类繁多，有齐寿司刺身、串烧同熟食等，总有一款啱食，不过我认为定价就较为进取🙈，但间唔中食一次就算啦。
张贴
