滿小館 (已結業)

尖東中菜之選，地方幾大，食物性價比高。呢度啲野食有水準，值得回味！香煎墨魚餅係餐廳嘅招牌小食之一，墨魚餅煎得外層微脆金黃，墨魚餡料非常新鮮，有墨魚粒彈牙口感。冰鎮甜酸豬爽肉，豬爽肉經過低溫烹調後再冰鎮，保持咗嫩滑嘅口感，完全無油膩感，外皮香脆。甜酸汁酸甜平衡，帶有一絲清爽嘅果香味😍薑蔥焗桶蠔，選用嘅蠔非常肥美。焗製過程中加入咗大量薑蔥，既可以去腥，亦帶出咗蠔嘅鮮味。焗蠔外層帶有微微焦香，內裡保持嫩滑，蠔肉吸收咗薑蔥嘅香氣，非常滋味😋砂鍋鮑魚雞粒飯有鮑魚粒同嫩滑嘅雞粒作主角，配埋香脆嘅砂鍋飯底，味道層次豐富。餐後甜品選擇咗懷舊芝麻卷，呢道甜品充滿懷舊味道，芝麻卷煙韌，滿滿芝麻餡香。