滿小館

营业中

休息中

尖东中菜之选，地方几大，食物性价比高。呢度啲野食有水准，值得回味！香煎墨鱼饼系餐厅嘅招牌小食之一，墨鱼饼煎得外层微脆金黄，墨鱼馅料非常新鲜，有墨鱼粒弹牙口感。冰镇甜酸猪爽肉，猪爽肉经过低温烹调后再冰镇，保持咗嫩滑嘅口感，完全无油腻感，外皮香脆。甜酸汁酸甜平衡，带有一丝清爽嘅果香味😍姜葱焗桶蚝，选用嘅蚝非常肥美。焗制过程中加入咗大量姜葱，既可以去腥，亦带出咗蚝嘅鲜味。焗蚝外层带有微微焦香，内里保持嫩滑，蚝肉吸收咗姜葱嘅香气，非常滋味😋砂锅鲍鱼鸡粒饭有鲍鱼粒同嫩滑嘅鸡粒作主角，配埋香脆嘅砂锅饭底，味道层次丰富。餐后甜品选择咗怀旧芝麻卷，呢道甜品充满怀旧味道，芝麻卷烟韧，满满芝麻馅香。