德昌餐廳 (已結業)

𠮶日星期日得闲d去咗寳琳行街，听住附近朋友讲话德昌开咗分店就顺道去试下。呢度出名鱼蛋粉，我当然要试下系咪咁正。一上枱蒜香扑鼻，第一时间食片鱼片，本人食开淡味所以觉得咸咗少少，但清汤又中和到，而鱼蛋就啱味又爽口，钟意个河粉好滑。老公就叫咗个晚餐 干炒牛河配薏米冬瓜猪𦟌汤。牛河热辣辣上枱有镬气，我第一啖食落偏淡，但老公加咗辣酱就话啱啱好，食完碟底都冇多余油，冇食到成口油笠笠个冬瓜汤落足料浓厚，唔似其他餐厅例汤水加盐得个色，我抢咗老公碗汤饮咗9成叫多个腐乳通菜，个腐乳酱系我喜欢嘅𠮶种咸酸辣，不是纯咸味，听讲系自家调制系有分别。