甘味讚岐手打烏冬 (已結業)

第一城入面有好几间日本餐厅，今晚同朋友帮衬甘味。可能系平日夜晚嘅关系，比人数唔多，所以唔使等位就已经可以入座喇！😉落单嘅方法，系要系纸上写低食物嘅编号或者号码，再交俾餐厅嘅侍应就ok 喇！等大概10分钟之后食乜就陆续送到嚟。首先嚟嘅系三文鱼寿司同埋芝麻他他酱三文鱼手卷三文鱼寿司中规中矩，而手卷嘅味道同口感都丰富啲比较吸引。然后就系蕃茄汤鸡扒乌冬。首先有蕃茄汤底酸酸甜甜，大大增加食欲；餐厅采用嘅赞岐乌冬爽口弹牙，鸡扒大块得来亦都煎得刚刚好！另外我哋点左三文鱼海鲜炒饭，炒饭嘅酱汁丰富，一粒粒嘅三文鱼增加炒饭嘅口感，所以好快就食晒成碟炒饭喇！两人总共都系食咗＄260左右，价钱唔算太贵，个人最推介汤乌冬。