霸嗎拉麵 (已結業)

好多时都有个感觉...连锁店嘅拉面舖应该唔会太好食...不过食完呢间拉面店就令我改观，两个人点左个炙烧豚肉海苔味玉拉面， 一个辛辣只烧豚肉味玉拉面...一开始觉得有啲贵，不过上咗枱觉得佢份量颇大，而且好足料，所以都算抵食！我点嘅拉面软硬度适中，拉面质地弹牙，汤底好香浓，夹埋一齐食好好食！佢嘅流心蛋唔知点解有少少花雕酒嘅味道，香得黎带少少甜味，唔会偏咸...流心效果啱啱好！紫菜香脆，不过要快啲食，如果唔系浸住汤就会好快冧晒... 而主角豚肉就真系不得了，首先佢好厚身，而且系五花腩位置，肥肉瘦肉层次分明，肥肉位置非常香口又唔漏，腩肉部分就煮得好淋好香，一啲都唔鞋口，食完真系好满足！