YumMee (K11 Musea)

营业中

休息中

🇸🇬🍜🇹🇭有水准嘅Food court东南亚菜✅新加坡传统喇沙 -$88呢个喇沙嘅汤底好浓郁，椰香味、咖喱辣味都好香浓，令人想饮晒啲汤。面条系油面，可能会觉得有啲碱水味，但我自己就冇咩所谓，都算弹牙，同汤底都好夹。配料都有好多，有猪腩肉、豆卜、半只蛋、芽菜、炸蒜等。豆卜好大粒索晒汤真系冇得顶！✅泰式猪颈肉炒河粉 -$88炒河粉其实系金边粉黎。即叫即炒，热辣辣好有镬气。份量、调味都唔错。猪颈肉都有好多条，而且煎香咗好脆口好好味。配料仲有大银芽、豆干、蛋丝、洋葱等，好足料而且口感丰富。✅香茅猪扒 -$42呢个虽然有少少贵，但系都真系几好食。好脆好香口，亦已经切好咗一条条，另外配泰式酸辣酱食。旁边亦都有两条酸青瓜同埋酸萝卜。