Tapa Room (已搬遷) 新店位置

呢排放工成日饱饱济济咁，女朋友提议食一间小食为主嘅餐厅，应该会几开胃，所以呢日就嚟咗依间西班牙餐厅，餐厅其实本身唔似餐厅其实似一间酒吧，但系唔好以为咁就俾佢嘅外表呃左，其实佢里面嘅食物先系重点！同埋系我近年来见过比较用心嘅一间餐厅，服务同埋食物质素都系一等一！入到去，因为冇乜心水话想食咩，所以好多都由店员去介绍安排，结果出乎意料地好！蕃茄脆饱. 配白银鱼. 蒜茸蛋黄酱先来咗个包，店员话个包系由西班牙空运过嚟，好矜贵咁，食落又出奇地脆同埋配埋其他配料一齐食感觉好夹，好开胃，价钱而且好实惠！棒棒鹅肝呢个卖相都几特别鹅肝佢用一支竹签插住之后就铺满开心果碎同埋盐同黑椒嘅调味，感觉好特别但你又唔会觉得奇怪，好好食！薄切慢煮八爪鱼好多时最惊就系八爪鱼好鬼银，但呢个一啲都唔会，配埋佢个番茄酱一齐食，一流！而且都系一道好开胃嘅菜！西班牙薯仔蛋饼呢个应该系西班牙嘅传统蛋饼，适合三四个人一齐share食，里面一切开系流心既，劲吸睛！巴塞隆拿式烤红虾依个性价比超好，有成五大只，最重要佢嘅虾膏好好食，虾肉亦都弹牙，虾味劲浓郁！鸭胸配薯仔鸭胸来讲我都未食过咁嫩滑嘅，食得出个选料，同煮法都好出色！甜品西班牙水果茶