點一龍 (海港城) (已結業)

话说海港城定期都会推出美食优惠卷，咁我前排买完包包换左好多卷，就约左朋友去海港城食饭～因为我自己想食中菜，最后拣左食点一龙^_^佢个位置有Ｄ难揾，如果朋友唔识去，建议佢揾左中港城先，间餐厅就海港城最埋边，近中港城的停车场入口。我地四个女仔食，环境好舒服，倾计可以好放心，店员服务态度都好好！今次我点左最传统的虾饺、大虾烧卖、芝麻卷、奶皇流沙包。小炒方面，我地点左猪颈肉炒乌东、金沙兰花海虾球、鲜菌炒时菜（去到果日肠粉机坏左.....冇肠粉食....　）基本上你系点一龙叫传统点心，一定唔会失望，好好味！！特别系奶皇流沙包入面Ｄ奶皇真系好流质，食ge时候真系要好小心，要帮个包做massage，禁佢几下先好食，如果唔系真系会流晒Ｄ奶皇出黎，嘻嘻～小炒方面，镬气好够，唔会浪费你Quota（你知啦，有时点完Ｄ小炒又唔好味，晒钱又晒quota真系激死！）金沙兰花海虾球我真系highly recommend !!!!! 佢用咸蛋黄捞左D虾再去炸,真系好香口,唔系成日都食到咁精致的小菜呀!! 炒时菜都唔差，唔怕叫黎食！！我４个女仔都细食，用完卷每人比左唔洗一百蚊，好平呀！值得ｅｎｃｏｒｅ！！