隼 (已結業)

公司附近好方便，行5分钟就已经可以到MegaBox，放工后同同事拣个最近嘅地方食饭加shopping ，上到MegaBox 9楼见到一间寿司店好特别，沿途有好多火车玩具喺度行，好特别，我同同事就拣咗呢间隼寿司店。行入座位之前见到10张枱嘅客有八张枱都食紧牛肉松叶蟹乌冬，我哋都唔输蚀，嗱嗱临叫侍应帮我哋写咗三碗牛肉松叶蟹乌冬先再慢慢拣其他寿司。其实我对有牛肉喺度嘅汤底都好有要求，呢个牛肉松叶蟹棒乌冬真系冇令我失望，甜甜嘅牛肉汤底在家松叶蟹棒嘅鲜味，真系令我毕生难忘，仲要大大块牛肉😌我哋之后还点咗珍宝帆立贝刺身，赤虾刺身，海胆花之恋，肉质方面，肉厚实且呈口感较滑身，刺身帆立贝味道似纯净海洋新鲜、甘甜，对于平时唔敢食刺身鱼食既人都会被呢股口感与味道征服，佢食落啖啖肉，极富弹性。我们还点了多春鱼，鸡骨肠，蒜蓉牛油烧珍宝帆立贝，最尾还叫了脆炸香蕉。不得不提呢个甜品脆炸香蕉，呢个炸香蕉几特别,外脆内软,记得趁热食,个心暖暖地最正,外皮炸得好脆好好食,如果配埋啲honey都唔会太甜,推荐😉