賞島咖啡屋

营业中

休息中

有惊喜，有惊喜。估唔到花墟后面有间咁有质素嘅餐厅。分量充足之余，睇得到细节好用心。无论蘑菇定系菜肉瓜，都煮过，好香。绿色薯蓉非常好味，系有一粒粒薯仔喺入边之余，混合左自家制青酱，好香滑。重点系牛扒，好友牛肉味，咬落口质感系刚刚好，厨师控制得非常之好，呢个价钱，绝对超值。老板话呢个系佢哋招牌意粉，食落口有惊喜，估唔到花椒，麻味同意粉系咁夹。下次我一定会再食。慢煮鸡胸沙律，都好有惊喜，呢个价钱真系好抵食 ，鸡胸经过慢煮，一啲都唔鞋口，肉质咁保留得非常之完美，配合埋柚子醋，非常之醒胃，不过如果柚子醋再多啲就好龙虾汤，龙虾味好浓，好香好滑。其实今日只系咁岩行过太子，今日真系好开心有惊喜。