平昌 Premium (已結業)

同朋友行开庙街个边，行到咁上下就揾野食下，又唔太想食大排档个类，咁之前都听过朋友讲平昌，今次就食下佢!一上到去餐厅，已经闻到一大阵韩烧味! 本来谂住闲日同埋时间都唔太早，以为唔会好多人食，点知都几乎爆满，好彩好快就有位，同朋友点左个平啲既大君御膳，但系都已经好多款式，牛加猪已经有成十几款，另外仲有鸡同海鲜选择。第一轮主要叫左牛，牛舌相当好食，好爽口，另外牛肋肉都几重肉味，夹埋生菜食口感一流!海鲜我地叫左鳗鱼，蚝，虾，鱿鱼等鳗鱼就可能因为系尾部位置，有点簿身而调味较似日式鳗鱼，不过味道都非常好既，前后叫左几条黎食满足晒!蚝我就无食，不过见朋友烧得有点轮尽，因为连壳好大旧，而个炉本身唔系好大，放完两只上去已经冇左一半炉位，以及有点难熟。 虾唔算好大只，本身望落亦唔算好新鲜，但烧完食落好爽口好鲜，有惊喜!猪方面当然唔少得五花腩，叫一份份量已经好多而且全部都好大条，一啲都唔似系放题既食物!烧完好爽口，唔会话成旧都系肥肉，高质!另外仲叫左好多炒牛肉炒猪肉，全部夹住生菜食真系正呀! 个炉边蛋几香蛋味，都唔错食到尾当然唔少得甜品，食条Melona雪条甜甜地个口即刻清新返~最后真系要赞下餐厅既职员，全