影片
更多
2022-09-23
178 浏览
今日下就要睇医生，睇医生前医饱果肚先。金百利商场就够多嘢食，天气咁热，想食个鱼生饭，所以拣左呢度。门面唔算大，但内里都唔少位。装修日式，见到墙上壁画系用日本筑地市场做背景，又几有日本feel。餐牌劲多嘢食，样样都好吸引，真系好难拣。最后我就点左鱼生丼，两件寿司同埋甜品。海之逸鱼生丼：卖相几好，鱼生有三文鱼、北寄贝、油甘鱼、带子同甜虾 ，另外仲有蟹柳同埋玉子等。鱼生几新鲜㖞，饭份量都唔少，呢个鱼生丼系有水准。带子海花之恋：成个寿司用带子包住，加埋海胆一齐食，口感丰富，两样都烧过，食落比较香，大满足。赤海虾寿司：呢个都好食，味道正正常常。铁板绿茶Brownie：睇到已经好想食，刚焗起，上面绿茶雪榚冻冰冰，下面Brownie就热，淋上绿茶，配埋旁边蜜糖脆脆食，整体甜，味道夹，食完口里面仲留有Brownie果种甜味，但又唔觉得好甜，好好食。
门面唔算大，但内里都唔少位。装修日式，见到墙上壁画系用日本筑地市场做背景，又几有日本feel。
餐牌劲多嘢食，样样都好吸引，真系好难拣。最后我就点左鱼生丼，两件寿司同埋甜品。
海之逸鱼生丼：卖相几好，鱼生有三文鱼、北寄贝、油甘鱼、带子同甜虾 ，另外仲有蟹柳同埋玉子等。鱼生几新鲜㖞，饭份量都唔少，呢个鱼生丼系有水准。
带子海花之恋：成个寿司用带子包住，加埋海胆一齐食，口感丰富，两样都烧过，食落比较香，大满足。
赤海虾寿司：呢个都好食，味道正正常常。
铁板绿茶Brownie：睇到已经好想食，刚焗起，上面绿茶雪榚冻冰冰，下面Brownie就热，淋上绿茶，配埋旁边蜜糖脆脆食，整体甜，味道夹，食完口里面仲留有Brownie果种甜味，但又唔觉得好甜，好好食。张贴
