囍菜

营业中

休息中

唔知几时开始,观塘呢间工厦入面"囍菜"已经成为左我经常来既饭堂,自朋友带我来食过一次之后,我就几乎每个月都会介绍唔同朋友来食,每次见到d朋友有赞无弹,我都会满心欢喜,证明无介绍错!因为黎过好多次,大部分菜式我都试过晒,所以我重点推介几款必食既俾朋友选择!醉猪手-唔会太大件食既时候唔会太困难,酒味香又唔会盖左猪手既味道凉拌云耳-微酸加埋小小wasabi,本来无咩味道既云耳,变得好有口感好开胃淮杞炖螺头汤-呢个汤真系要极力推荐,汤料十足又够味,店员分好汤俾每一位再将汤料放上枱,大大粒螺头同鸡脚瘦肉配汤一齐食,无得弹!金牌牛肋骨-牛魔王朋友可以自己食晒一份,超重牛肉味肉质又软药膳鸡-重药材味但超好食又补身,鸡肉嫩滑姜汁炒芥兰-听个名好普通,但有讲唔出既超好食,食过之后每次都要order蒜茸粉丝蒸圣子皇-不能相信有咁大只而且劲新鲜,食落d鲜味出晒黎陈皮蒸鲜鲍鱼-多汁弹牙,新鲜到不得了蛋散-最后唔小得甜品,蛋散热辣辣,喜欢甜食一定爱上!由于餐厅响工厦入面,要记得提早订位,用餐日期既前两日,餐厅就会提醒预早落order,确保餐厅可以安排最新鲜食材,真系好用心!