一喜‧拉麺

营业中

休息中

石门都开左间好食既拉面! 餐厅位置坐得好阔落，晚市都几多人食!拉面款式有鸡白汤, 豚骨汤, 黑蒜油等等，再加埋期间限定款既拉面，选择都几多。呢到可以选择埋面质既口感, 面款 仲可以简埋浓稠度。鸡叉烧酱油鸡白汤拉面汤底望落好浓稠，食面前先饮汤，汤底有好清甜既鸡味，感觉好多精华咁，有少少浆口。所以夹起D面个阵，仲会挂汁。配料有鸡叉烧, 葱同埋荀。鸡叉烧外皮烧到好香，边边位仲会有脆口感觉。鸡叉烧大块而且厚身，好有鲜味。博多豚骨拉面 呢款简左幼面, 汤底系奶白色，味道都系好浓厚，感觉充满骨胶原，食完都唔会觉得好口干。配料有叉烧, 木耳同葱。叉烧有烧过，所以食落好香。我地各自都跟左套餐，加$30就有小食同饮品。小食有唐扬炸鸡同埋羽根烧饺子3只。饺子好食，皮薄多汁。