影片
更多
2011-07-29
18 浏览
早两日心血来潮想食潮州野, 本来想落九龙城, 但朋友话对上一次去食得唔太开心, 咁冇计, 即刻上openrice睇下仲有冇边度有水准既潮州菜啦, 发现呢间潮汇馆新开冇耐, 见D食评都唔太差, 好!就去试下龙与凤啦……揸车沿住openrice个地图去, 都兜左一阵, 哦!原来就0系大中华条街, 门口仲好光猛tim, 最抵死门口可以泊到车。可能新开既关系, 地方都几企理, 墙身用左旧街景做墙纸, 边度黎呢??香港?澳门?广州?就0系我地疑惑之际, 店员走过黎同我地讲系汕头黎既, 系wow, 潮州菜丫麻, 梗系用潮州景啦。一行五人点左五𩠌一汤鹅肝拼鹅片豉椒鲜鹅肠普宁炸豆腐潮阳梅羔骨春菜火腩煲咸柠柠炖鸭汤鹅肝拼鹅片鹅肝入口松软, 散发出浓烈既卤水香味,冇根, 好好味, 老实讲, 终于知道咩叫齿夹留香, 到而家都仲挂住果种味道。鹅片火喉0岩岩好, 唔老, 肥廋适中, 卤水香纯。豉椒鲜鹅肠原本对呢样𩠌麻麻地, 因为出街食亲都系用左好多枧水去腌制, 令佢爽口, 大条d,但咁样会令到佢本身鲜味都冇埋, 不过店员介绍话佢地绝对用新鲜鹅肠, 而且冇加任何TIM加济, 为保持鲜味咁话wow….好!又试下你先
揸车沿住openrice个地图去, 都兜左一阵, 哦!原来就0系大中华条街, 门口仲好光猛tim, 最抵死门口可以泊到车。
可能新开既关系, 地方都几企理, 墙身用左旧街景做墙纸, 边度黎呢??香港?澳门?广州?就0系我地疑惑之际, 店员走过黎同我地讲系汕头黎既, 系wow, 潮州菜丫麻, 梗系用潮州景啦。
一行五人点左五𩠌一汤
鹅肝拼鹅片
豉椒鲜鹅肠
普宁炸豆腐
潮阳梅羔骨
春菜火腩煲
咸柠柠炖鸭汤
鹅肝拼鹅片
鹅肝入口松软, 散发出浓烈既卤水香味,冇根, 好好味,
老实讲, 终于知道咩叫齿夹留香, 到而家都仲挂住果种味道。
鹅片火喉0岩岩好, 唔老, 肥廋适中, 卤水香纯。
豉椒鲜鹅肠
原本对呢样𩠌麻麻地, 因为出街食亲都系用左好多枧水去腌制, 令佢爽口, 大条d,但咁样会令到佢本身鲜味都冇埋, 不过店员介绍话佢地绝对用新鲜鹅肠, 而且冇加任何TIM加济, 为保持鲜味咁话wow….好!又试下你先, 鹅肠上到枱, 哗!好大条呀, 好多膏呀。
急不及待夹起, 好多烟出黎, 够晒镬气, 放入口, 好味, 爽口之余仲好有鹅香, 真正既鲜鹅肠, 极力推介。
普宁炸豆腐, 朋友至爱, 首先介绍下呢个豆腐, 呢个豆腐唔同普通既豆腐, 唔知佢地用咩秘方,出面炸得松软, 但里面好似豆腐花咁滑,原来呢个就系普宁豆腐。
春菜火腩煲
春菜系真正既潮州菜, 真系潮州菜先会用, 佢有d似芥菜, 一般会用排骨去炆, 但呢度用火腩炆, 火腩既香味俾d春菜索晒, 春菜炆得好林, 掂呀!!!
潮阳梅羔骨
呢个有d似沙拉骨, 但当然唔系用沙拉啦, 好似用左酸梅, 又带甜, 又唔似生炒骨个糖醋, 好特别。送饭可以食多碗。
咸柠檬炖鸭汤
咸柠七就饮过, 咸柠鸭汤都系第一次, 每盎用四分一只鸭去炖, 火喉足之余感觉好清新, 消滞补身。
五个人搅掂晒五𩠌一汤, 好想食甜品, 不过个肚冇晒位喇, 呢餐食得好满足, 下次一定返黎……
张贴