湘川滬 (+WOO嘉湖二期)

营业中

休息中

依家难得出门见见朋友，朋友带我去附近餐厅食埋晚饭倾耐d，佢有食过，觉得唔错，带我试下。餐厅可以话系好多选择，你想食嘅中菜款式都有，一时间好难选择😂咸香海虾球虾球肉质爽口弹牙，配上薄薄的一层咸蛋黄，味道配搭得十分好，配上咸蛋黄，真系好酥香好惹味。而且咬落又唔觉得厚粉，整体口感都几好。土匪抢鸭系全晚最好食嘅菜式，咸度同辣度混合得啱啱好，配合鸭肉原本嘅鲜味，一拍即合。鸭肉经过腌制同烹调，味道丰富有层次，放入口，先系一个辣味蔓延开嚟，慢慢带出鸭肉嘅香味，然后喺其他酱料，令人无法自拔。干煸四季豆四季豆好鲜嫩，咬落去总有“索索声”嘅感觉，配上淡淡的橄榄菜以及肉碎，味道颇为惹味，又不失清新。葱油海蜇皮海蜇肉厚实有韧性，配上葱油作为调味料，不失为一碟开胃前菜。重庆酸辣鱼片鱼片爽口，比起日常经常食到嘅鲈鱼，肉质更加鲜味，加上酸菜汤底同埋少少辣椒更加开胃可口。除咗鱼片仲有粉丝配搭，不失风味。姜汁芝麻汤圆食完味道丰富嘅上菜，饭后配上一碗姜汁汤圆，乱唯有满足。姜味唔算太浓烈唔使怕辣。