阿里山 (逸酒店) (已結業)

经过红磡见到呢间好抢眼粉红色嘅古早味蛋糕专门店，仲传出阵阵蛋糕香，一于入去帮衬下。中午时分刚刚出炉有肉松同埋芝麻味。卖相好唔错，芝麻味仲有云石嘅花纹。店员都好热心介绍佢哋蛋糕嘅材料。鸡蛋系精心挑选过同每只都有冲洗，绝对卫生。仲话个纸盒用啲可食用颜料印刷，而胶袋都系用啲环保物料😆😆 好helpful 有服务。 返去热辣辣即刻试吓，芝麻味好香甜度啱啱好，至于肉松就好有蛋味，中间同上面都有夹层肉松好脆口，比起就咁原味嘅丰富得多😃 两款蛋糕嘅质地都系好软熟同湿润！又一间推介嘅古早味蛋糕！