影片
更多
2015-05-26
2212 浏览
上次经过seafood stand咁岩食饱，无缘试食。事后谂起问下朋友意见，佢地话薯条好食，今次就突然过去食lunch。如其话lunch，不如话系tea，因为放假妟起身，第二餐都晏埋。因为咁就无食汉堡饱，改咗食tea set。下图系lunch menu。地点系科学馆附近，有一栋红卜卜嘅建筑，seafood stand就系个度。门口细细，但除铺位内，隔离亦摆咗几个位。个人觉得坐系厨房隔离会有啲热，不过同店员互动就会多啲。坐低点餐无耐，比较似老板娘嘅员工拎咗只"波士顿龙虾"出嚟，摆系汽水柜上面，话做display。听到咁得意，我同朋友都忍唔住望咗过去，岂料佢话可以影相，可以拎上手玩，但因我细胆，影相都唔多敢，佢就帮我拎住俾我影，超级好人。过咗一阵食物就到啦。佢系两碟一齐嚟，唔洗因为等齐order，搞到啲食物林哂冻哂。老板(我已当佢系老板XD)仲好贴心，提醒我地薯条岩岩炸好，要慢慢食。我对眼即刻发哂光，心谂一定好好食。影完一轮相，应该都唔会烫到啦。不出所料，薯条系外脆内软，符合期望仲有余，十分出色。朋友个薯格都好脆，平时食其他炸定哂，通常都好林，seafood stand就唔会。点茄汁嘅时候
地点系科学馆附近，有一栋红卜卜嘅建筑，seafood stand就系个度。门口细细，但除铺位内，隔离亦摆咗几个位。个人觉得坐系厨房隔离会有啲热，不过同店员互动就会多啲。
坐低点餐无耐，比较似老板娘嘅员工拎咗只"波士顿龙虾"出嚟，摆系汽水柜上面，话做display。听到咁得意，我同朋友都忍唔住望咗过去，岂料佢话可以影相，可以拎上手玩，但因我细胆，影相都唔多敢，佢就帮我拎住俾我影，超级好人。
过咗一阵食物就到啦。佢系两碟一齐嚟，唔洗因为等齐order，搞到啲食物林哂冻哂。老板(我已当佢系老板XD)仲好贴心，提醒我地薯条岩岩炸好，要慢慢食。我对眼即刻发哂光，心谂一定好好食。影完一轮相，应该都唔会烫到啦。
不出所料，薯条系外脆内软，符合期望仲有余，十分出色。朋友个薯格都好脆，平时食其他炸定哂，通常都好林，seafood stand就唔会。点茄汁嘅时候仲发现混入咗香草，好得意。
然后入正题，试下块汉堡。肉眼睇见佢面积唔系好大，但系好厚，份量好足。因为肉质唔系落好多松肉粉个啲，同埋用胶刀嘅缘故，有少少难切。味道就好牛好香，食下食下觉得有啲粗犷，好美式，不过都系个人感觉。
食食到半途，老板拎住碟招牌汉堡，叫一叫我下，单系卖相已经超吸引。另外补充一下，原来seafood stand有纪念品卖，系一只毛冷勾出嚟嘅汉堡，同铺头所卖嘅一样(无论系外表，定系价钱)，感觉好搞笑。
饮品就无咩特别，汽水柠檬茶个啲。不过如果整杯咖啡，绿茶咩咩个啲，俾我都唔叫。食重口味野当然系饮可乐啦。
最后最后，仲有样野唔好忽略咗。店入面播啲歌好好听，系英文慢歌，好有品味，听得好舒服。
老板老板，我得闲再嚟试食其他野，千祈唔好加价啊。
张贴
