粗菜館

营业中

休息中

星期日同屋企人一行6人去粗菜馆食晚饭，多人去食既好处系可以叫多啲唔同既𩠌菜黎试，个日我地叫左5样𩠌、1个汤同埋猪油捞饭。📍是日靓汤莲藕眉豆猪骨汤，足料十分浓郁既老火汤，但我觉得偏咸左小小，钟意浓味既人士就好岩。📍招牌炒猪杂 ，依个真系好好味，好有镬气，好入味，𩠌饭一流。📍 小炒皇 ，呢一味相对嚟讲就是普普通通，不过不失。📍 豉汁笼仔蒸大鳝，呢一味系每个屋企人都十分喜爱，大家一致认为大鳝好新鲜，咬既时候有脆口弹牙既感觉。📍椒盐鲜鱿，每一次去食炒小菜必叫，依间整得好好味，干身香脆爽口，味道好够，就算冇喼汁都一样好食。 📍山楂酱排骨，酸酸甜甜好开胃，排骨一啲都唔韧，几好食。 📍猪油捞饭 ，猪油加豉油捞饭，邪恶得黎又好惹味，值得一试。