馬拉Go

营业中

休息中

原来土瓜湾启岸巷子都几多小店，但平日个场都几静🥲 寻晚试咗一间马拉菜小店，食物几有水准，价钱都合理呀！同老板倾咗一阵，佢话开咗店半年，初头生意都ok，但最近好静，好少人知呢度有个商场。希望小店都挨得住啦💪🏻🥢芽菜鸡拼迷你虾面/椰香叻沙午餐或者晚餐都有呢个餐食，老板话佢哋小店好弹性，有咩想食都可以落单～ 芽菜鸡肉质比较软腍唔实，本身比较淡味，点少少酱一齐食啱晒！两碗面都系迷你size，一次试晒两款招牌面！虾面汤底超浓郁，食得出好浓虾味；叻沙汤底都好惹味，好香椰汁味，微辣好开胃！配料有溏心蛋、豆卜、鱼蛋、芽菜等，面系掺掺，有油面同米粉，同汤一齐吸入好好味！🥢沙嗲肉碎煎蛋饭沙嗲肉碎睇得出好用心煮，酱汁香浓而不腻不咸，肉碎好惹味，配饭食好夹，加埋煎太阳蛋，仲有大量菇菜，好味又营养均衡啲👍🏻🥢斑兰麦脆咖央多士多士烘到超脆身，咖央酱加牛油，外脆内软，超正！☕️南洋樽仔咖啡好好饮，有惊喜呀！咖啡香又滑，唔会太甜，个配方好啱我口味😋🧋话梅柚子梳打几清新解渴！酸酸甜甜！夏天饮啱晒！睇得出呢间小店几用心经营，小店装修几别致，有花花图案墙身打卡，又有好多特别摆设！想试吓正宗马拉风味，推荐去帮衬👍🏻