Brass Spoon (已結業)

之前试过牛肉面，系时候转下口味食下牛肉河。今次食既系 Brass Spoon 既生牛河。攞米芝莲既，当然系唔同 d。见到 menu，越南野，当然食正路野生牛河就算啦，其他野唔好谂。我食左好多次，都觉得佢 d 牛丸好好食，一定要拣！你见到我碗河粉，就知我重口味。佢地可以拣落几多洋葱、葱、芫茜同牛汤油。听讲牛汤油系由汤底提炼出来既野，总之钟意浓味野既朋友可以拣。我呢碗当然系攞晒，仲要系多既，个人口味而已。听讲老板 d 汤熬足 12 个钟，难怪 d 味道好鲜甜。都系个句，食牛河之前，最好饮啖汤先，食下有几好味。佢地 d 牛肉系靓牛肉，不过只系得几块，九十蚊来讲，就有 d 贵。不过，一日得一餐，人又得一个胃，唔食返 d 好野，点对得住自己？提提你：如果男仔食既话，不妨叫加底，如果唔系会唔够饱。到喉唔到肺就唔好。饮品呢，我觉得麻麻地，同超级 overprice。